أدوات تلخيص ذكية تحوّل لك الدرس الطويل لزبدة
أوقات المذاكرة ما تكون دايم سهلة، خصوصًا إذا فتحت الدفتر أو الكتاب ولقيت عشرين صفحة كلها كلام كثير وما تدري من وين تبدأ…
هنا يجي دور الذكاء الاصطناعي والتقنية تساعدك، بدون تعقيد ولا تقصير.
أنا جربت كذا أداة تساعدني أختصر المحتوى الطويل، تطلع لي الزبدة بشكل أوضح وأسهل، وهنا جمعت لك أفضلها 👇
🔹 1. QuillBot – الزبدة بأسلوب سهل
من أفضل المواقع اللي تساعدك تختصر وتعيد صياغة أي محتوى.
تحط له فقرة طويلة من درس أو تعريف، ويعطيك نسخة مختصرة مفهومة.
✅ يدعم العربية
✅ فيه خاصية Summarizer للتلخيص المباشر
✅ تقدر تحدد أسلوب التلخيص (مختصر أو شامل)
وفي خصائص كثيره تقدر تستكشفها بنفسك، مفيده بعضها بالصوره الجايّة
🔹 2. Smodin – اختصر بدون ما تضيع الفكرة
أداة ممتازة تلخّص محتوى عربي أو إنجليزي بسرعة، وتعطيك النقاط المهمة.
✅ سهلة الاستخدام
✅ تدعم المحتوى العلمي والأكاديمي
✅ تعطيك أكثر من نسخة للتلخيص
تنفع كثير لو عندك درس أو شرح طويل وتبي تفهم الفكرة العامة بسرعة.
وهذا خصائصه كثيره بعد تقدر تستكشفها
🔹 3. ChatGPT – بس استخدمه بذكاء 😉
كثير يستخدمونه، بس مو الكل يعرف الطريقة الصح.
أكتب له مثلًا:
“اختصر لي هذا الدرس بطريقة تناسب طالب ثانوي”
✅ يعطيك تلخيص بأسلوب واضح
✅ تقدر تطلب منه يشرح التلخيص أو يعطيك أمثلة
✅ مفيد جدًا للمواد النظرية مثل الأحياء أو الاجتماعيات
🔹 4. Notion AI – لو تحب التنظيم
لو كنت تكتب ملاحظاتك في Notion، تقدر تستخدم AI فيه يختصر الدروس تلقائيًا.
✅ تقدر تلخّص، تعيد صياغة، أو تحوّل أي فقرة لنقاط
✅ مناسب للتجميع آخر السنة أو وقت المراجعة
✅ يخلي كل شي مرتب ومقسم
🔹 5. Google Bard أو Gemini – الزبدة مع أمثلة
ممتاز لو تبغى تلخيص + شرح
تقدر تعطيه نص معين، وتطلب منه:
- تلخيص
- تبسيط
- إعطاء مثال
- أو حتى تحوله إلى سؤال وجواب للمراجعة
🎯 خلاصة سريعة:
ما عاد فيه عذر تقول “ما لحقت أذاكر”، لأن التقنية اليوم ممكن تسهّل عليك الدروس الطويلة.
💡 جرّب أداة أو اثنين من اللي فوق، وشف وش الأنسب لك.
كل شخص يختلف، لكن الأكيد: فيه أدوات راح تختصر عليك وقت ومجهود كثير.
